Community

கோடை மழையின் வருகை ..!

download

கோடை மழை

நாள் முழுக்க வெயில்

காற்றும் எங்கோ

காணாமல் போனது

அந்தியின் அழகோடு

தோன்றியது ஈரக்காத்து

மழையின் மனத்தையும் கொண்டு

அடம்பிடிக்காமல் இருந்ததற்காக

அம்மா தந்த சிறு

வெல்லம் துண்டு போல்

மழை வந்தது

அழுது உறங்கிய குழந்தை

கனவில் உதிர்க்கும்

சிரிப்பு போல்

மழை வந்தது

புது கவிஞனுக்கு

கிடைத்த முதல் பாராட்டு போல்

மழை வந்தது

மனதில் தோன்றிய பாடல்

எங்கிருந்தோ ஒலிப்பது போல்

மழை வந்தது

முதல் நேர்காணலில்

முதல் சுற்று வெற்றியை போல்

மழை வந்தது

தாய் தன் பிள்ளைக்கு

தந்த முதல் முத்தம் போல்

என் நெற்றியில் முத்தமிட்டு

சென்றது மழை .

                   மு.தமிழழகன்