Community

இயற்கை என்னும் பேரழகி

\ இயற்கை என்னும் பேரழகி //

என்ன தான் வைத்துள்ளாய் உன்னுள்

எத்தனை முறை ரசித்து முடித்த பின்னும் முற்றுப் பெறாமல் எஞ்சி நிற்கிறது

என்ன தான் வைத்துள்ளாய் உன்னுள்ளே !

கவிஞனின் கடவுளே…

காதலர்களின் கிரீடமே…

படைப்பின் உச்சமே…

படைத்தவனின் ஆச்சரியமே, என்ன தான் வைத்துள்ளாய் உன்னுள்ளே !

கடலின் நீலத்திலும்,

வானவில்லின் வண்ணத்திலும்,

நிலவின் கரையிலும்,

மழையின் தூய்மையிலும்,

காற்றின் சுவாசத்திலும்,

மலரின் வாசத்திலும்,

இருளின் நிழலிலும்,

மண்ணின் துகள்களிலும்

மழலையின் சிரிப்பிலும்

உன்னைப் பார்த்து ரசித்த பின்னும், இன்னும் ரசித்து முடிக்கவில்லையே என்ற ஏக்கத்தை விதைக்கிறாயடி நீ !
என்ன தான் வைத்துள்ளாய் உன்னுள் ! எனக்கு ஜென்மம் ஒன்று போதாதடி, உன்னை ரசித்து முடிக்க… இன்னும் ஏழேழு ஜென்மம் வேண்டும் எனக்கு, உன்னை வர்ணித்துக் கொண்டே நான் வாழ . . .

By:
G. PRIYANKA, B.Com, B.L.
E Mail : gpriyangamary1@gmail.com

1 Like